2025 жылдың 24 ақпанында Спартакиада – 2025  аясында елордалық Орталық Мәдениет және Демалыс саябағының шаңғы-роллерлік трассасында Астананың медицина қызметкерлері арасында Шаңғы жарысы өтті. Оған жүзден астам спортшылар қатысты.

Жарыстың қорытындысы бойынша келесі жеңімпаздар анықталды:
1 орын – Ұлттық нейрохирургия орталығы
2 орын - «Ана мен бала ҰҒО» UMC КФ
3 орын – Травматология және ортопедия Ғылыми Зерттеу Институты

Барлық жеңімпаздарға Астана қ. СӨСҚО және «Қазақстандық Денсаулық сақтау қызметкерлерінің салалық кәсіподағы» ҚБ Астаналық филиалы атынан Грамоталар, естелік сыйлықтар және Дипломдар берілді.
Барлық қатысушылар мен жанкүйерлер көтеріңкі көңіл-күй, жағымды әсер алды!

Шаңғы жарысының қорытынды нәтижесі

Шаңғы жарсының фотогалереясы

Құрметті әріптестер!
          
Сіздерді кәсіби мереке – Медицина қызметкерлері күнімен құттықтаймыз!  Сіздердің күрделі әрі жауапты еңбектеріңіздің өлшемінде талай адамдардың тағдыры тұр.
Сондықтан осы еңбек жолында күш-қуаттарыңыз сарқылмасын, қанаттарыңыз талмасын, кәсіби парыз бен өз мамандықтарыңыз үшін мақтаныш сезімі әрдайым алға жетелесін! Игілік нұрын төккен абыройлы еңбектеріңіз өнімді болып, халық алғысына бөленулеріңізге тілектеспіз! Сіздерге зор денсаулық, сарқылмас бақыт, әр істеріңізге береке-сәттілік, отбасыларыңызға бақ-дәулет пен аңсаған армандарыңыздың орындала беруін тілейміз!

Ізгі тілекпен: «Қазақстандық Денсаулық сақтау қызметкерлерінің салалық кәсіподағы» ҚБ Астана қаласындағы филиалының ұжымы

 www.fprk.kz Қазақстан кәсіподақтары күніне арналған іс-шаралар аясында Астана қаласы Қазақстан Кәсіподақтар Орталығы елорданың кәсіподақ белсенділерінің жиынын өткізді. Аймақтық кәсіподақ бірлестігінің жұмысы туралы ақпаратпен Кәсіподақ орталығының төрағасы Сәрсенбай Мынбаев сөз алған ол Кәсіподақ орталығының қызметі туралы және келешекте алға қойған міндеттер жайлы айтып өтті.
Жарыссөзде салалық кәсіподақтардың  қалалық құрылымы төрағалары:  теміржолшылар – Серік Сарсекеев, білім саласынан- Балсұлу Наурызбаева, денсаулық сақтау саласынан - Бақытжан Тәжібай және басқа да кәсіподақ белсенділері сөз алды.

1 маусым - Халықаралық балаларды қорғау күні. Бұл жайлы тек бала, ата-ана ғана емес сонымен қатар,  өздерінің кішкентай емделушілерінің денсаулығына қамқорлық жасайтын дәрігерлер де естен шығармайды.
Астана қаласы №2 қалалық балалар ауруханасы да жыл сайын мереке туралы ұмытқан емес. 31 мамыр және 1 маусым күндері мұнда стационарлық емдеу алып жатқан балалар үшін мерекелік  іс-шара  ұйымдастырылды.  «Таза ниет - Астана» Қоғамдық қоры мен Астана қаласы әкімшілігінің  денсаулық сақтау басқармасы бірлесіп «Әр күн балалық шақ»  ұранымен өткізілген мерекелік іс-шара.

2016 жылдың 31 мамырында Х.Мұңайтпасов атындағы Орталық стадионда Астана қаласы медициналық ұйымдардың арасында Спартакиада- 2016 аясында гір тасын көтеруден, 4/4х100 жеңіл атлетикалық эстафетадан, арқан тартудан қорытынды командалық жарыстар өтті.  Спартакиаданың қорытынды күні бұлыңғыр күн мен жаңбырға қарамастан жарыс қызу тартысты болды. Әр түрлі жарыстарға 28 команда қатысты. Осы күні Спартакиада- 2016 нәтижелері қорытындыланды. Спортшылар мен жанкүйерлер үшін дайындалған мерекелік бағдарламадан соң жеңімпаздарға кубок, төсбелгілер мен ескерткіш сыйлықтар салтанатты жағдайда табысталды.

http://astana.gov.kz Бүгін елорда әкімдігі ғимаратында Астана қаласы мәслихатының депутаттары кәсіподақ ұйымдарының жетекшілерімен кездесті. Тараптар қалалық мәслихат пен кәсіподақ орталығының арасындағы өзара ықпалдастық туралы меморандумға қол қойды. Кездесуге мәслихат хатшысы Жанат Нұрпейісов, кәсіподақ орталығының төрағасы Сәрсенбай Мыңбаев, Астана қаласы мәслихатының депутаттары, қалалық кәсіподақ ұйымдарының, сондай-ақ, БАҚ өкілдері қатысты.

http://www.mzsr.gov.kz
Бүгін ҚР ДСӘДМ Министрі Тамара Дүйсенованың қатысуымен ҚР Денсаулық сақтау және әлеуметтік даму министрлігінің жанындағы азаматтық қоғаммен өзара әрекеттесу бойынша Қоғамдық кеңестің бірінші отырысы өтті.
Отырыстың ашылуында сөз сөйлеген Министр Қоғамдық кеңес жұмысының басталуы министрлік қызметінің халық алдында әрі қарай ашық бола түсетініне сеп болатынын айтты.
Қоғамдық кеңес құрамына ҚР ДСӘДМ Жауапты хатшысы, министрліктің құрылымдық бөлімшелерінің басшылары, ҮЕҰ өкілдері кірді.
ҚР ДСӘДМ жанындағы Қоғамдық кеңестің басшысы болып «Денсаулық сақтау саласы қызметкерлерінің Қазақстандық салалық Кәсіподағы» қоғамдық бірлестігі басшысының орынбасары Бақытжан Тәжібай сайланды.

www.fprk.kz 2016 жылғы 12 ақпанда Астананың Кәсіподақ орталығында қалалық Жастар саясаты жөніндегі басқарманың қолдауымен «Жалпыға Ортақ Еңбекті қалыптастырудағы жастардың рөлі» тақырыбында дөңгелек үстел өтті. Оған кәсіподақ белсенділері мен қызметкерлері, еңбекші жастар, тәлімгерлер, Кәсіподақ орталығының «Келешек» жастар қанатының мүшелері, қоғамдық ұйымдар мен бұқаралық ақпарат құралдарының өкілдері қатысты.