2013 жылдың 1 қазан Қарттар күніне Астана қаласы Денсаулық сақтау басқармасының «Медициналық  колледжінде» салтанатты жиын өтіп, қарттарға кәсіподақ ұйымы атынан сыйлықтар мен гүл шоқтары тапсырылды. Мереке құрметіне колледждің көркемөнерпаздар ұйымы мерекелік концерт ұйымдастырды.

2013 жылдың 28 қыркүйегінде Іле-Алатау ұлттық парктің Түрген шатқалында, тау өзенінің жағасында толығымен Қазақстан Республикасы денсаулық сақтау қызметкерлерінің кәсіподағы қаражатына салынған «Денсаулық» сауықтыру орталығы ашылды. Негізгі корпуста 50 мейманға дейін жайғаса алатын 25 қонақ бөлмелері орналасқан, оның ішінде люкс қонақ бөлмесі де бар. Қонақ бөлмелерінің іші ағашпен өңделген, душ, бинибар, спутниктік теледидар кіргізілген. Орталықта фитнесс-залл, йога мен аквааэробика бөлмелері қарастырылған, фин саунасы, джакузи, бассейн және волейбол алаңы салынған. Диетологтар 5 уақыттық тамақтандыруды дайындаған.

2013 жылдың 23 қыркүйегінде Астана қаласында психикалық денсаулық проблемаларының медициналық орталығының 60 жылдық мерейтойына орайластырылған «Мегаполистер мен өңірлердің психоәлеуметтік саулығы» атты республикалық ғылыми-практикалық конференция өтті.

Үкіметте әлеуметтік әріптестік және әлеуметтік пен еңбек қатынастарын реттеу бойынша Республикалық үшжақты комиссияның отырысы өтті. Отырысқа Қазақстан Республикасы Кәсіподақтар федерациясының төрағасы Ә. Құсайынов және әлеуметтік әріптестердің басшылары қатысты. Өткен жиналыста "Кәсіптік одақтар туралы"  Қазақстан Республикасы Заңының жобасы талқыланды. Отырыста кәсіподақтар қызметінің жақсартылуына бағытталған заң жобасы мақұлданды.

"Кәсіптік одақтар" туралы ҚР заңының жобасы (doc)

«Қазақстан Республикасының кейбiр заңнамалық актiлерiне кәсіптік одақтардың қызметі және еңбек қатынастарынреттеу мәселелерi бойынша өзгерiстер мен толықтырулар енгiзу туралы» Қазақстан Республикасы Заңының жобасы бойынша САЛЫСТЫРМАЛЫ КЕСТЕ

2013 жылғы 11 қыркүйекте Бейжін қаласында Бейжін мен Астана қалаларының кәсіподақтары өзара түсінушілік пен достықты арттыру, ынтымақтастықты жетілдіру, Бейжін кәсіподақтар Федерациясы мен Астана қаласы кәсіподақтары Кеңесінің арасындағы достық байланысты нығайту мақсатында екіжақтық келісім негізінде меморандумға қол қойылды. Меморандумда тараптар Қытай Халық Республикасы мен Қазақстан Республикасының астаналары кәсіподақтарының арасындағы достық қарым-қатынасты жетілдіруді бір ауыздан қолдады.

Елімізді дамытудың ұзақ мерзімді "Қазақстан 2050" Стратегиясының негізгі басымды бағыттары денсаулық, білім және Қазақстан елі азаматтарының әл-ауқаты болып табылады. Осыған орай қазақстандықтар арасында өз денсаулығына салиқалы жауаптылықты және зиянды әдеттен бас тартуды, рационалды тамақтануды, жеткілікті дене қимылы белсенділігінің және спортпен айналысу қырларын өзіне қоса алатын салауатты өмір салтының мәдениетін әйгілендіру және қалыптастыру  мақсатында Қазақстан Республикасының  денсаулық сақтау Министрлігінің ұйымдастыру-әдістемелік қолдауымен №2 қалалық балалар ауруханасы Салауатты өмір салтын қалыптастыру орталығымен бірлесе отырып  аурухана аусағында «Денсаулық фестивалі-2013» кең көлемді акциясын өткізді.

2013 жылғы 6 қыркүйекте Қазақстан Республикасы Кәсіподақтар Федерациясының мәжіліс-залында Астана қаласы әкімінің орынбасары А.Ғ. Балаеваның кәсіподақ активімен кездесуі өтті. Қазақстан Республикасы Кәсіподақтар Федерациясының төраға орынбасары, Астана қаласы Кәсіподақтар Кеңесінің төрағасы Сәрсенбай Бердалыұлы Мыңбаевтың кіріспе сөзінен кейін және Астана қаласы әкімінің орынбасары Аида Ғалымқызы Балаеванын елорданың әлеуметтік –экономикалық дамуы мен келешегі туралы сөзінен кейін кездесуге қатысушылар берілген сұрақтарға жауаптарын алды. Кездесуде қала әкімшілігінің әр түрлі басқармаларының басшылары қатысты.

Ата заңымыз біздің Тәуелсіздігіміздің нығаюына, мемлекетіміздің дамуына,  ұлтымыздың, халқымыздың өсіп-өркендеуіне негіз қалап берді. Бір сөзбен айтқанда Қазақстан Республикасының Конституциясы қай қырынан алып қарасақ та өзінің өміршеңдігін дәлелдеді. Мемлекеттілігімізді қалыптастырып, Тәуелсіздігімізді нығайтуда маңызы зор Ата заңымызды құрметтейік!  Ендеше Конституция күні баршамыз үшін құтты болсын!
Конституция күні мерекесіне орай мекемеміздің мәжіліс залында салтанатты жиналыс өтті. Дәрігер Жомарт Базарбайұлы «Ата заңымызды ардақтайық!» атты слайд түріндегі баяндама жасады. Осынау айтулы күні 1 сынып табалдырығын аттағалы отырған 23 бүлдіршінге кеңселік бұйымдар салынған сөмкелер сыйлыққа берілді. Сондай-ақ осы мекемеде маңдай терін төгіп, адал қызмет атқарып келе жатқан мейірбикелер К.Ж.Абдуалиева мен Г.М.Жанулиналарды 55 жасқа толған мерей тойларымен ұжым атынан құттықтап, сыйлық берілді. Осындай игі жақсылықтар алдағы күндерде де жалғасын табады деп сенеміз. 

Ақпаратты №2 ҚБА кәсіподақ комитеті ұсынған.

http://www.mz.gov.kz Денсаулық сақтауда мемлекеттік-жеке меншік әріптестікті енгізу бойынша жұмыстар туралы ақпарат
 
Қазақстан Республикасы Үкіметінің 2011 жылғы 29 маусымдағы № 731 қаулысымен Мемлекеттік-жеке меншік әріптестікті дамыту жөніндегі 2011-2015 жылдарға арналған бағдарламасы бекітілді.
Осы бағдарламаның мақсаты Қазақстан Республикасында мемлекеттік-жеке меншік әріптестік тетіктерін (бұдан әрі – МЖӘ) пайдалана отырып, инвестициялық жобаларды іске асыру үшін заңнамалық және институционалдық негіз құру болып табылады.
Денсаулық сақтауда МЖӘ дамыту үшін негіз денсаулық сақтау саласын дамытудың 2011-2015 жылдарға арналған «Саламатты Қазақстан» мемлекеттік бағдарламасын (бұдан әрі – Мемлекеттік бағдарлама) қоса алғанда, МЖӘ саласында Қазақстанның мемлекеттік саясатын іске асыру болып табылады.
Мемлекеттік бағдарламада денсаулық сақтауда МЖӘ тетіктерін пайдалану салалаларын кеңейту бойынша нақты іс-шаралар көзделген. Бұл қаржыландырудың жаңа нысандарын және әдістерін енгізу, Бірыңғай төлеуші шеңберінде бәсекелестікті дамыту, мемлекеттік және ведомстволық медициналық объектілерді басқаруға жеке инвестицияларды жұмылдыру, ұйымдарды сенімгерлік басқаруға беру.

2013 жылдың 26 маусымында «ҚР Денсаулық сақтау қызметкерлерінің кәсіподағы» қоғамдық бірлестігінің Астана қаласындағы филиалында бастауыш кәсіподақ ұйымының төрағаларымен және Кеңес мүшелерінің қатысуымен  Атқару комитетінің кеңейтілген отырысы өтті. Мәжіліс отырсын кіріспе сөзбен ашқан және жүргізген кәсіподақтың Астана қаласындағы филиалының төрағасы Б.Тәжібай болды. Атқару комитеті мүшелері күн тәртібін бекіткеннен кейін, әзірленген құжат жобаларымен танысты және болашақтағы филиал қызметінің жаңартылуы мақсатымен бірқатар шешімдер қабылдады.
Филиалға мүше бастауыш кәсіподақ ұйымдарының дерекқорын нығайту және ұйымдық тұтастықты қамтамасыз ету үшін Атқару комитеті Астана қаласы филиалының электронды дерекқоры базасын жасау туралы шешім қабылдады.